فضفضه واحاسيس مبعثره..مشتركه بينا..

مسا الخير

أخباركم ؟..
النفسية كيف..؟

أنا نفسيتي قافلة بالطول وبالعرض ، كنت بسجل غياب ح ـتى اشعار آخر
بس بطلت ..

صايرة نفسيتي ذايبة ، مد و جزر تعتدل ربع ساعة و تقلب ساعة
،
زهرة أمل/ أمورج ..؟، خلصت مهلة تسجيل حضور
يبغى لج تدخلي الدوام ^_^
/
ح ـكاية بنفسج / ^_^ ، آيزي عزيزتي تعودنا ترى السالفة ما هي جديدة، أني من صغري و طلع فيني الشيب
نتظر فرج الله ،

عموماً أخبارج كيف ؟، امتحنتِ أو بعدج
تننتظري فرج الله
/
دفء صبية / أخبارج ، و الكلية ؟ إن شاء الله ماشية الدراسة ؟
بالنسبة للعبادة، يجيه الواحد ساعات فتور
اقرئي قرآن صفحتين ، و اقرئي زيارة وارث ، أو الأذكار البسيطة/ القصيرة
وكلما شفت نفسج مقبلة على العبادة عملي الأعمال الثانية
لا تضغطي على نفسج ..
/
ع ـيونك دنيتي / أمورج ؟..
شكلج تابعي بـ التلسكوب ، كل من بعد
متى بتصير من قرب ؟
كيف الحياة معاج
،
ميمي/ أمورج ؟.. شكراً على السؤال
أنا [هني] بس النفسية رايحة فيها من جميع الجهات، مع تقلبات الجو
كلما اعتدلت جاها شيء قلبها ..

شو عاملة بالحياة؟
/
يتيمة/ أخبارج ؟..
ما شاء الله خوش دعاية ، تعمل اعلان لـ فيس بوك صاحبتج
[اللي تطلب من عندها بتنخطب] تنفعي مسوقة

أنا دخلت عليه قبل جذي بس يطلع لي [تعذر الوصول للصفحة]
وهلأ رديت دخلته نفس الشيء
عاد أنا تجيني أحياناً دقات ، و فيني شهية شيء اسمه [أزياء + فساتين ]
فـ عدلي الرابط خلنا نتفرج
/
سارونة/ أحس زمان مب شايفتج ..
أخبارج ، طيب ما يصير بعد هالتدريب تتوظفي على طول ..
والله التدريب جهة و التوظيف جهة ثانية
/
عكسي أنا قلبي طاير بدي أروح يا العراق يا إيران ..

إن شاء الله تنكتب لج زيارة لـ أحد المكانين و تنكتب لينا في نفس الوقت زيارة
لـ أحد المكانين >>> فهمتِ شيء كأنها تكتب لغز ^_^
/
ح ـكاية بنفسج / بعدنا ما اختفينا
ليش نلعب شكلنا الغميضة ..
أنا موجودة نص و ربع .. و النص و الربع الثاني ما أدري وين
،
ميمي / واو ليش ع ـلى الساحة بالذات تلعبي شكلج مصارعة
ترى مالي بالمصارعة أنا .. مبارزة يمكن
كاراتيه ما أعتقد ، شيء ثاني خارج ضرب ومضارب هم مالي فيه

فزعتِ أهل الحي، اسمعتج، بس كان الطريق مزدحم بالسيارات ، فـ ما قدرت أوصل
كل يوم أطلع و أشوفه زحمة و أرجع
/
أم إلياس / شكله الطفش مود عند الكل ،
أمورج ، جايه تزعقي ، و بعدين تقولي بكرة بقرأ ردودكم ..
عقبال ما نشوفج عروس ،، و الصورة تتحول لـ كتكوت و بعد ما نسألج
تقولي هذي ولدي/ أو بنتِ .. يالله هانت
،
يتيمة،/ ولو نزعل من القمر ، آيزي حطي الرابط ، بس ما يبغانا الرابط نشوف ويش فيها الصفحة
كل يطلع [يتعذّر عرض الصفحة المطلوبة الآن. قد تكون غير متوفرة مؤقتاً، أو قد تكون صلاحية الرابط الذي قمت بالضغط عليه قد انتهت، أو قد لا تملك الإذن لعرض هذه الصفحة.]
/
حساوية / أخبارج ؟,,

إن شاء الله يكون فاتحة خير ، يمكن هذا أول الغيث ..
مع أن صعبة أن هو من مذهب و أنتِ من مذهب ،
بس سبحان الله بعضهم أرزاقهم هيك ، بس بغض النظر أنه شيعي و هي سنية أو العكس هي شيعية و هو سني تلاقيهم عايشين أحلى حياة ، هذي إذا متفاهمين
و إذا هو ماليه بالطائفية وما عنده تفرقة ..
أهم شيء تفكيره ما يكون متحجر ورايح فيها يعني منفتح ومتفهم
و يقول موسى بدينه و عيسى بدينه .. و يمكن مع الأيام يحول المذهب
،
الله يكتب اللي فيه الخير .. إذا هو من نصيبج الله بـ يسهلها ..
بس فكري تمام التمام إذا تحسي روحج مو قد هالشيء لا تقدمي عليه
بس إذا تحسي روحج عن جد عندج قدرة عالية بتكوني سبب مع الأيام أنه يحول المذهب
أمممممممم
ما أدري شو أقول .. بس قلبيها من عدة اتجاهات
والله يسلهلها
/
ملكة الاحساس /،
يا هلا مساؤ .. أخبارج ، ما شاء الله جاتنا [ملكة]
بس لا تحكمينا على أن أحنا شعب >> بمزح لا تزعلي
مرحبا فيج ، أكيد وجودج يشرفنا ، و إن شاء الله نكون خفاف عليج
و نصير صاحبات ..

و مبروك لـ أخوج الخطوبة عقبال عندج
/
أم إلياس/ عكسنا ، جابو في البداية اثنين ، و الظاهر البيئة تغيرت عليهم
واحد منهم انتحر
بعدين جابو ثلاثة .. و بقى واحد ،
جابوا ليه وحدة ، و سافر ، و بقت الحين وحدة في قفص شطوله شعرضه
و كل ساكتة .. >> الهجر تعبها و الوحدة تقتل وهي طير حب يعني ما تقدر تعيش بدون حب

ماسكين تبغي تفتكي من هم ، أخوتي منكسر خاطرهم على هذي لأنها وحيدة
أخويي يقول يبغى ليها واحد و أختي تقول ما بيجبوا وياه واحد ..
و أني عادي الموضوع عندي ، مع أنها تكسر الخاطر لحالها بس بحكم أنها في الصالة صايرة كأنها مو موجودة .. لأن مو أني اللي اهتم فيها
أني تبعي البلابل و مالي خلق أحط ايدي فيهم قافلة حدي
،
بالنسبة [البرنامج ذا بقست لوسر] ، ما اتابع قناة ام بي سي فور إلا في الدهر مرة إذا تذكرتها
بس الرابح الأكبر اللي في ام بي سي 1 اتابعه ، تابعته موسمين و الحين مو صايدته
،
مثلي تجيني دقات ما أحب أشوف الخلق ،
طيب ليش ما تحبي تشوفيهم شكلهم كل يطفشوج ، مو تاركينج في حالج
،
بالنسبة للطفش /الزهق / الملل ، يحل و يروح مدري شسالفته بس ساعات وقت الزهق
عن نفسي يا أحط مواليد/ أو قصايد يا أشاهد شيء مسلسل كوري أو أدور لي على شيء مواضيع
تبع شيء شاغلني ..أو أدور لي مسجات ، شيء تبع شعر اتسلى فيه

ما أدري أنتِ شو تعملي بس يوم اللي تزهقي دوري لج شيء تحبيه
شاهدي مسلسل / اسمعي مولد ، اقرئي كتاب ، اكتبي / خيطي
شيء تحبيه أعمليه ، تنسي نوعا ما الزهق >> كأنج تعملي تعتيم اعلامي لـ نفسج

/
ح ـكاية بنفسج / شدعوة ليش تعصبي .. أعصابج هو بدون شيء الواحد ماليه خلق
وأعصابه رايحة فيها كيف بيعصب زيادة ،

عادي كلنا فينا احباط داخ ـلي، بس كل واح ـد يقول بس أنا اللي اتعذب
طيب لشو محبطة ,., >> شكلنا عاملين قروب لـ لي مزاجهم ظافر و اللي عندهم احباطات متكررة << جمعنا الزمن
/
زهرة أمل / يالله تذكري اثنين من أحلامج ، و خبرينا
يمكن سبحان الله ليهم تفسير >> علماً ما أعرف أفسر أحلام بس أحب اقرئهم
ذكرتني على سالفة تفسير الأحلام البارح شفت عنوان كتاب لـ تأويل الأحلام قلت بخليه لـ بكرة بدوره بالنت
بس إن شاء الله ما انساه ، بخلص رد و بروح أشوفه
،
توت و كرز / أمورج مديرتنا ؟..
ركبوا ليكم مقوي ، و إذا شبكتكم واير لس غيروه لـ دي اس ال
لأن الواير لس يعتمد على الأبراج ، عشر أيام فيه و 90 يوم طاير ..
،
بنوتة الحسا / اخبارج ؟..

زمان مب شايفينج
/

موفقين لكل خير .. >> أحس كتبت وايد ^_^

و يا رب تُقضى الحوائج بحق مولانا أبا الفضل العباس
عقبال ما نسمع أخباركم الحلوة
و تُفتح الأبواب الموصدة للجميع مرة وحدة .. وتسعد تيك القلوب التي
ما شاقه إلا الألم يتصفحها
و تشرق السعادة ، و يلتقي المحبون على ضفاف اللقاء

/
إنسانة/ الطائر الأزرق

هواي/
أنا جالسة أعقب
ذاني جالسة أعقب معاج ..

دخلت قبلج ، و أني أكتب ، سبقتيني أنت بالرد
/

إنسانة/ الطائر الأزرق