فضفضه واحاسيس مبعثره..مشتركه بينا..

مساؤ..

مساء الخير ، متباركين شابات بـ المولد
كل عام و أنتم بـ خير و سلامة / و سعادة و بنات خالتها
و صحة و بنات عماتها

أخباركم ؟.. أكيد الكل رايق والنفسية عال العال.. لا وحدة تقول ظافرة .. >> عادي يعني توصل المغرب يظفر المزاج يتقلب بـ العرض أقلاً

إن شاء الله دوم البسمة على الوجوه عامرة / و القلوب بـ السعادة دائمة ..
/

زهرة أمل / أموووووورج ... إن شاء الله أمنيحة وعال العال أكيد عال العال ما يبغى ليها سؤال >> ساجعها بعد
،
الواحد بعد سفر حتى لو السفرة معكرة ، بيصير أقلاً يرجع و نفسية بالطول أقلاً معتدلة
لأنه غير جو .. إن شاء الله تردوا ثانية و تتشرفوا بـ زيارة الأماكن المقدسة الثانية

عاد أنا طاقة فيني بدي أروح ايران / و البارحة أخ ـتي تقول بدها تروح المدينة أني ديركت
قلت أني لي نفسي أروح ايران
،
يصير خلافات عادة ، الحال من بعضه بس أنا مع أمي و أخويي
لكن أنا لمن ينتفح هذ الموضوع اسكت استمع ليها و أعلق بـ كلمتين
أدري بدهم يفرحوا بس شسوي الأمر مو بيدي ومأخذة الموضوع آيزي أو نص، مع ذلك مقدرة
وحاسة باللي قصدهم فيه

ولا تصيري حساسة ترى مو مسألة أنج عالة عليهم و لا تأخذيها من هذي الناحية
ترى هي في النهاية أم بدها تفرح و تشوف بنوتتها عروسة و سعيدة بحياتها
و بدها تغني و تزغرد في عرسها

و عقبال ما نشوفج أحنا بعد عروسة و سعيدة بحياتج و يفتكوا منج أهلج
و نشوف حولج كتاكيتج >> ويش بتقولي بعد أحنا صايرة عالة علينا
يالله أحكي لـ شوف أن قلت هيك لـ وديج المريخ تنظفيه كله ، ما تقدري تقول شيء أدري صدتج

لا .. صج إن شاء الله نفرح فيج أحنا و أهلج و يزفوج بنات المنتدى
مع طيرج الأخضر >> هذا شكله طير حب ذكرتيني بـ طيرنا الأخضر ما صار ليه أسبوع و أشوي كل مات

/
سارونة / أخبارج إن شاء الله أمنيحة و المزاج عال العال
إذا على البرد .. أمس البارح صاير أشوي فاتر الجو يعني حلو نوعاً ما
يعني طلعت مو بس أني اتكيسل في البرد ، عندي أحد يشاركني
لا تسجلي بس حضور .. أحكي لينا شو آخر أخبارج ؟
،
أم إلياس / أموووورج .. إن شاء الله أمنيحة ، كيف المزاج

هذي كل وحدة فيكم تحط سؤالها في القسم المناسب
منشان يمدينا نرد على كل سؤال على حدا .. كأنكم تعملوا استبيان
هذي على هالسالفة يبغى لينا كل سؤال نجاوب تحته بـ [نعم] أو [لا] فقط

ويش برنامج[ ذا بقست لوسر ] أني ما أعرفه و لا قد اسمعت فيه
.
/
أوووه يعني عايشة أكشن بالحياة .. شكلج خرجتِ من زحمة الروتين
على الأقل عندج طلعة و روحه و جيه / و تشوف بعض الوجوه / و بعض البشرية
إذا على هالسالفة معذورة .. بس لا تغيبي وايد و تقول خلاص عذروني
ما كو حجة لج بس ثلاث ايام
/
ح ـكاية بنفسج / أخبارج .. و أخبار النفسية + المزاج أكيد عال العال

يالله بتخلصيه بالطول بالعرض بـ تخلصيه
و أحنا ننتظر النتيجة ، بس لا تطولي >> على غفلة هي اللي بتمتحن نفسها مثلاً
لو هي اللي بتمتحن نفسها كان زمان خلصت و عطت روحها النتيجة و افتكت

طيب خبرينا شو عملتِ بالمولد .. طلعتِ لو لا >> عن نفسي ما طلعت لا تسألي << أحد سألج أنتِ
/

عيونك دنيتي / كيفج .,, أخبارج لـ هذا اليوم >>> تفتكر روحها جالسة في الأخبار
أكيد النفسية عال العال >> لا تقولي مالج خلق
،
من دهرين ؟!!! .. يعني شقد ، خلني أفكر
يمكن من عام 1428 أو 1427 هـ عدل جذي أو أقل

هو الواحد لمن يتخرج و خاصة إلا عندهم طموح فعلاً الحياة تكون أكثر من مملة
بس مع الأيام يتعود و خاصة إذا طور مهارات يصير يكتسب خبرة .. بس بدون ما يشتغل
.. شنو تخصصج ؟

،
عقبال ما تلاقي لج وظيفة حلوة .. و تنقضي كل حوائجج و تتغير لـ الأفضل
/
ورود الياسمين / أخبارج ؟.. كيف أمورج أكيد المزاج حلو

هو فعلاً ساعات يقهر اللي جذي تفكيرهم كل بـ ذاك الموضوع
بس حقريهم .. و عيش حياتج لا تأخذيها على أنها تتمسخر عليج
ترى أغلبهم نفس الحركات أني مبتلشة بـ أخوتي الأولاد بس أطنشهم و أخذها على محمل
روح رياضية ..
بس إذا شافوني مشيت وياهم ، و زودوها أعطيهم العين الرصاصية يحشموا نفسهم و ما يعود ليها
/
توت و كرز / أحنا أمناح أخبارج مديرتنا
في الدهر مرة نشوفج شدعوة .. هذي إذا بنعمل تهكير للمنتدى ما تدري عنا
مو تصدقي بنعمل تهكير تروحي تسوي لي بلوك >> أصلاً ما أدري كيف يهكروا أعرفه أسماً
بس ما أعرف كيف آلية عمله <<< أفضل ما لنا بالشر

متباركة بالمولد ، شو عملتِ فيه
وين رحتِ وين جيتِ ؟..
/
هواي/ يتيمة / و الحوراء/ و البقية شو وين غاطين في اي واد
و أي سهل
،
ثانية متباركين بمولد المصطفى ينعاد عليكم بالصحة والعافية
وتحقيق الأمنيات
/
إنسانة/ الطائر الأزرق

ميمي / أخبارج .. يا المختفية

اليوم بحكم أنه المولد .. مدديه أسبوع فرح بالمولد
شغلي لج مواليد ، و حطيه استيريو .. و عيش جو
بتصير النفسية عال العال فوق الـ أمنيحة

و يمكن أنتِ بعد صحيح ، تدرسي يعني الدراسة ساعات
تعكس الموضوع
مع ذلك .. هم حطي مواليد و عيشي جو >> ما غيرت الجملة

لمن قرأت اسمج مرة ثانية ذكرت الرسوم المتحركة ميمي
مع أني ما أحب أشاهده إلا في الدهر مرة
إذا مزاجج مب رايق شغليه شاهدي حلقة .. منشان يروق المزاج

وبعدين روحي درسي .. عشان لا تقولي خربتج خليتج تسترجعي أيام الطفولة
و لهيتج عن دراستج .. >> ترى ما لي شغل رفعت ايدي من هلأ لا تحطيها بـ رأسي
/

يتيمة / أخبااارج ..
الليلة التاريخ بعد الـ 15 يعني ما بنقول قمر 15 ظهر
قمر 17 ظهر .. بس ما نقص منه وايد كم قطعة >> أقصد القمر ترى

شو عاملة مع المولد .. إن شاء الله رايقة والمزاج عال العال

أجيب الحلاوة و لا يهمج ... شو بدك الشوكولاة اللي بدك وياه >> ما عندها لكن إلا سنكرس
إذا بدك بعطيج وياه بمناسبة المولد

نورمل عيش الحلم .. و حلقي فيه ..
و إن شاء الله يصير حقيقة ، وواقع ملموس
و نشوفج عروسة و يصفقوا بنوتات المنتدى وراج ..
و نعمل بعدج عرس جماعي أو قبلج مثل ما أنتِ بدك

/

إنسانة/ الطائر الأزرق

عاد أنا جمعت اسئلتكم في ملف و جاوبتهم كلهم في تعقيب ..

سؤال هواي/
- [ سؤاااااال لكم
تتتوقعوا ادا احد بيخطب بنت وماوافقوا
ايش الاسباب صحيح ان هده ارزاق بس احيانا تقولي مافي مانع يخليهم مايوافقوا يعني حتى لو نسايب من بعيد
موضوع كثير يجي في بالي احس ابغى أعرف اسباب الرفض الي تصييير
جد بالي ينشغل بكدا
حتى لو قتان هده ارزاق يمكن مو من نصيبه بس ايش السبب ادا مافيه شي عيب او نقص
يلا تفاعلوووا ابي اقتنع احس مدري شفيني]

أني جاوبت على السؤال بالمختصر في التعقيب السابق..
بس أحياناً تحسي أن الأسباب تكون مختلطة بين غيبية / و باطنية و ظاهرية
و الغالب عليها ظاهرية يعني واحد لمن يخطب وحدة يكون الرفض منه لأنها مو مثل المواصفات اللي حاطها في باله بحكم مثلاً بده بيضاء و طويلة أو .... و بعدين بـ يحط الأخلاق في آخر اللسته >> إذا واحد راح يخطب و قال بده طويلة و بيضاء جيبوا ليه ثلاجة
هاي على نمط نكتة
تقول النكتة واحد يبغى يخطب قال لأهله أخطبوا لي وحدة طويلة و بيضاء
جابوا ليه ثلاجة >>> فاصل اعلاني ..

طيب نرجع ..

أو يمكن هي ترفضه لأن ما فيه المواصفات اللي هي تتمناها فيه .. مثلاً شو بتكون حاطة ببالها
يمكن بدها وياه يشبه فلان من البشر / أبيض ، عيون ذهبية ، شعره بني ، إلا إذا رفضته منشان عيب
في أخلاقه بيكون نادراً لأن هالأيام الرفض صاير على أشياء ظاهرية

أما إذا جاء بالواسطة / يمكن الواسطة ما تكون أمينة لـ أسباب شخصية في نفسه

و أحنا بنصيرها قسمة و نصيب / أو أرزاق مع أن إذا صار الموضوع فيها واسطة هذا ماله شغل
بالقسمة و النصيب
هذا ليه شغل بـ تدخل الناس و نفسياتهم >> الله يكون في هذي الحالة بعون القلوب المجروحة

هذا ظاهري .. إذا ما كان فيه/ ها عيب باطني أقصد شيء تبع روحي
.
.

يمكن يكون شيء غيبي يعني لأسباب غيبية/ يعني يمكن سبحان الله بتكوني أنتِ بـ توافقي عليه و تبغيه من قلب و مصرة عليه و أنت مو حاسبة شنو الأمور اللي تحصل مستقبلاً ..
يعني مثلاً أنتِ حاطة ببالج أنه تبغي فارس أحلامج مو عصبي / مو طويل مثلاً ، و ما عنده سوالف يمين و شمال و [نقط نقط نقط ] >>> أكمل أنتِ الفراغ حسب ما ترغبين به من مواصفات ثانية

بعضها تتغاطي عنها لمن توافقي لأن أغلبها توافقت مع نفسيتج

لمن يسألوا عن هذا الشخص بيظهر معاج أنه فيه مواصفات أنت تتمنيها حتى لو كلها
بس الله ما يكتبه لج ، و تزعلي و تتضايق و تحس بما أدري شو

لكن مع الأيام تتكشف لج الأمور .. و يظهر السبب
أن مثلاً هذا فيه عيب يعني مثلاً عنده سوالف يمين و شمال
أو أنه مو قد المسؤولية أو شيء أنتِ فعلاً لو أخذتيه بـ تندمي قد شعر رأسج أنج وافقتِ عليه و تعاني معاه مستقبلاً ..
بس بالأخير بتصير تحمد ربج ليل و نهار أنه مو من نصيبج
و بتقول تصبرااً الله يعوضج بـ الأحسن منه
/

يمكن يكون شيء روحي / و هذا حكينا فيه في الموضوع اللي فتحته [سارونة تبع القرين أو الأمور الثانية]
وهذا أغلب الأمور الباطنية اللي يمكن تحصل يعني عادة يكون الرفض لـ أسباب مو مقنعة
مع أنج تشوفي مثلاً بنت متينة / أو .... [صفة ثانية ] أو شيء مو فيج و أنت تملكي الأفضل منها و جايها رزقها و عمرها 17 سنة مثلاً ، بينما غيرها بـ نفس مواصفاتها و أفضل منها لكن تأخر النصيب
طبعاً مع الأيام تكتشف أن شيء روحي يقف سبب حائل وخاصة إذا زاد الوضع عن حده
و أسباب الرفض مو مقنعة

مع ذلك نرجع و نقول قسمة و نصيب .. و الأيام كفيلة تكشف الأسباب و تعالج المسببات

طبعاً كل وحدة أعرف بـ نفسها شنو السبب اللي تعانيه
.
.
.
.
.
.
سؤال يتيمة / هل تقبلي بزواج من واحد مايشتغل معتمد على فلوس اهله؟؟؟

أنا بتكلم بـ شكل عام ..
لكن أنتِ تقصدي أنه بده يعتمد حتى بعد الزواج على فلوس أهله

إذا كان مثلاً قبل لا يخطب بيعتمد على فلوس أهله بحكم أنه ما يشتغل ولمن يحصل وظيفة بيصير يمشي أموره الموضوع عادي
لأن بحكم الأوضاع اللي صايرة الواحد صاير صعب يحصل وظيفة تسد الحاجة و صاير يلاقيها
بطق النعل
يعني إذا هو ما بتزوج بينتظر لمن يحصل وظيفة هذي بيوصل لـ 100 سنة و هو بعده ما تزوج
و يا ما ناس انفتح ليهم أبواب الوظيفة بمجرد ما خطبوا .. الله سهلها

و يمكن ناس يبغى ليهم فترة لمن يلاقوا وظيفة .. بس يبقى هو يسعى
يعني يحط في باله بعدين المصاريف من بس يحسب لمصاريف الزواج ، حتى مصاريف ما بعد الزواج

أما إذا حاط بباله أن والده بيصرف عليه لمن بعد الزواج هذي يبغى ليها حكي ثاني
.
.
.
.
سؤال أم إلياس / الحين ذكرت حاجة .. وش رايكم لو تقدم لش شخص نشيط .. يعني دبي بزيادة .. مثل اللي في برنامج ذا بقست لوسر ..

هذا البرنامج ما أعرفه .. الصراحة ما سمعت فيه

بس بحكم سؤالج .. أحس أن متنه مو سبب أن الوحدة ترفضه
اللي بـ تأخذه ، ومو عاجبها أنه متين تشجعه على الرياضة، و تحببه فيها و مع الأيام يمكن يصير مو بس رشيق يكون ملك الرشاقة
وما في شيء صعب ، حتى لو هو مثلاً ما يحب الرياضة و يستكرها مع حكي خطيبته بيصير / و حبها أنها يكون شخص ثاني يتغير .. بيصير ليها الفضل في تغييره 189ْ
كأنها ترسم شيء من عالم الخيال أو أني يتهيأ لي

طبعاً بـ التشجيع مو بالتثبيط و التحطيم و إظهار عيوبه يعني ديركت تقول ليه ترى أنت متين و الصراحة هذا شيء مب حلو فيك..بيصير الرجال مسكين عنده انكسار بالشخصية و يمكن تجرحه وخاصة إذا الشيء اللي فيه وراثة يعني شيء ماله ايدي فيه
بس بالرياضة هم يضعف ...

يعني نورمل الموضوع .. أحس أن متن الرجل أو ضعفه مو شيء يضيف لـ شخصيته أو يقللها

/
طبعاً الكلام كله وجهة نظر .. و كل وحدة وجهة نظرها تختلف عن الثانية ^_^
،

موفقين يا رب
/
إنسانة/ الطائر الأزرق

مساء الخير

كان مالي خلق أرد .. نفسيتي هابط تماماً
من الفجر قافلة .. و قلبي يعورني .. و النفسية تعبانة
حاسة روحي متوترة / قلقة
حاسة كلش رايحة فيها
و صاير وجهي كأني توني جالسة من النوم
والخلق قافل حدينه
بس و أني اقرأ تعقيباتكم انفتح أشوي ..

راجعة بعدين لمن يروق المزاج و تعتدل النفسية
شوفوا كم ساعة يبغى ليها أو كم يوم
/
إنسانة / الطائر الأزرق