فضفضه واحاسيس مبعثره..مشتركه بينا..

اهلا وغلا ..
اخباركم بنات وحشتوووني والله ودايما تجو ببالي من زمان مادخلت تمنيت ادخل والاقي السابعه والثامنه بس يلا ان شاء الله ربيع الاقيهم بقسم العروسات الخريجات .. اتفائلو بنات ولاتيأسو ترى كنت مثلكم قاطعه الامل بكلللل شي ولليل نهار افكر ونقسيتي تعبانه من الفراغ لانه سنتين جالسه بالبيت لا دراسه ولارجل خخ بس الحمدلله رب العالمين يوم انخطبت بنفس الاسبوع انقبلت بالجامعه وداني مزحووومه مع الحياه والدراسه والاختبارات ادعووو لي بالتوفيق .. على فكره الخطوبه حلوووه بس تجيب وجع الراس من كثر التفكير ومااحسها مريحه كثير لانه ماكو استقرار اتفكري متى بس تعرسي وتستقري وامممم ارتباط يعني ايام العزوبيه احس كنت حره اكثر انام متى ماابغى واصحى متى ماابغى وكل شي براحتي الحين احس شوي بقيود بس الحمدلله احس متفاهمين وهذا اهم حاجه بس لابد من سوء التفاهم احيانااا خخخ وسمحو لي ع التقصير بس ترى انتو بالبال ودوم ادعي لكم ان ربي ييسر اموركم ويسعدكم اشوفكم ع خير

مساؤ ..

مساء الخير

كيفكم ، أخباركم ، أموركم ؟..

أحس كأن من زمان ما دخلت ، مع أني أسير هنا

كان عندي أسبوع زحمة ، يا دوب أشوي فضيت
،

توت و كرز / أمورج مديرتنا ، الصحة شلون ؟.. >> يعني كيف لونها ذهبي رصاصي فضي
كيف صرتِ إن شاء الله صرتِ أحسن

،
بنوتة الحسا/ أحس زمان ما شفناج كل هذا مشغولة ،
موفقة باختباراتج أهم شيء الكيمياء هالله هالله فيه نبغى العلامات الكاملة
والله مخصوم من راتبج
،
دفء صبية / أمورج ،
كيف الكلية معاج ، النفسية ، ما أدري شو كمان عندج؟..

على الاقل تغيبي كم يوم و تطلعي أحسن من المختفيات >>> تقصد روحها
،
حكاية بنفسج/ شفيج جالسة تزهقي بالمايكروفون ..
الجيران سمعوا جالسين يقولوا من هذا اللي يزهق ،
كيفج ، أحس زمان ما شفتج ، ليش مختفية >>> ما تلاحظي أنه نصابة هي اللي مختفية و حاطتها برأسج
،
أحس وحشتني من زمان ما جننتج .. وجننتج

كيف الدوام ؟ ، عندج أيام اجازة / شفتات لو كل دوام ؟ ..

/

الحوراء / تطلع يوم و تختفي دهر ، شكلها تسير مع يتيمة يأخذوا ليهم لفة حول المحيطات
و ما نشوفهم إلا في الشهر مرة
،
ورود الياسمين / الله يعينكم هي أيام اختبارات عموماً
بس الناس اللي تختبر قبل تفتك بعدين ، تصير هي في اجازة و الناس تختبر >> بكون الشعور وي ما وراه افتكيت

موفقة يا رب و عقبال الامتياز، شنو تدرسي ، شكلج تدرسي طب مو
/
هواي / أمورج كيف ، أحس روحي كأن صج اعتزلت ، من زمان ما دخلت
كنت أشويات مزحومة ، أسير أشوف الجديد هني ، و أفصل
بس هلأ ذا حنا موجودين ، أنتِ وين يسير >> على قولة الاماراتيين
/
زهرة أمل /، هلا فيج ،

ل + حكاية بنفسج أحس الاسمين راكبين مع بعض ، و متقاربين مع بعض ، أسماء ملهمة >>بتشتغل فيها شعر و أدب ]

عادي ترى في البداية تصير هالحالة ، أنا بعد مب اجتماعية
و استحي من مقابلة الناس

كانت بداية في المنتدى خجولة ، بس بعدين تعودت على السالفة
صرنا كأن نعرف بعض من دهر

هلا فيج ، زهرة / و أمل متفتح ، خلنا نشوفج عاد على طول
مو تطلعي يومين و تختفي دهرين ^_^
موفقة باختباراتج ، خبرينا عن النتيجة
/
مريم فاطمة/

يمكن المؤشر عندج مثلي مرة فوق و مرة تحت >> أسهم بورصة

ما عليه تجي الواحد أيام يتعب من كثر المحاتاة / و الضغوط النفسية
بس بعدين تتعدل الأوضاع ..مع أنه تصير أوضاع متقلبة بس بيصير مع الأيام كل شيء أوكي

إن شاء الله نسمع أخبارج الحلوة ..

،
ريم الكتكوتة / أحس زمان عندج
انخطبتي و اختفيت ..
مو مشكلة ، الوحدة طول ما هي عزابية بدها متى تتزوج >> أنا مستثنية من القاعدة
يوم اللي تنخطب تحن لأيام العزوبة بحكم أنها مأخذة راحتها و يومها على مودها

ساعات أقول فعلاً لا المتزوج مرتاح و لا العزابي مرتاح
والواحد ما يدري ويش يسوي ، و مع ذلك تظل الحياة تبغى ..

،

الله يسعدج ، و يرزقج الحياة الكريمة/ السعيدة
و عقبال ما نشوف كتاكيتج [أطفالج]
/
موفقين يا رب
والله يقضى حوائجكم ، و يسعد قلوبكم بحق الحسين الشهيد بكربلاء
/
إنسانة/ الطائر الأزرق