فضفضه واحاسيس مبعثره..مشتركه بينا..

توت و كرز / مختفية ...

شو كيف أمورج ؟

شكراً على الموقع ..

،

حكاية بنفسج /
ايه شو بعمل هالمزاج ذابحنا .. >_<

اقتباس :

وتصيرررررر وااااااااجد

شو اللي يصير وااااجد ؟

طيب و إذا هو متزوج مثلاً ؟

عادي .. الحين إلا يتقدموا مو منشان الأخلاق
يا منشان العمر / أو منشان المواصفات

يالله في النهاية الله يوفق ليهم
/

إنسانة/ الطائر الأزرق

مرحبا بناااات..

كيفكم شخباركم ؟؟


اعذروني كنت مشغوله مع الدوام بس هالاسبوع المديره ماخذه اجازه واحنا فلينا من وراها خخخخ

وغير كذا كنت مضايقه شويه ..

المهم

بالنسبه للموضوع ام الياس..

اني صايره اسوي زي هالناس ام المفاجات والا يخبوا ..

صرت اعامل الناس زي مايعاملوني..

مثلا صديقتي قريبه مني وكل يوم سوالف في البي بي ..اتفاجا تكتب حالتها في المطار بسافر..اني انقهرت مره يعني ليش ماتخبرني !!!

صرت اسوي زيها اذا عزمت اسافر ماقول الى الا يستاهل فقط ..

يعني ماشيه في مساله علمني اعلمك ..

واخبرش الحين صار لي شهر ادوام وماقلت الى احد من صديقاتي الا المقربين مني مره ويعرفوا وضعي كيف..

وهذا الشى مو عشان حسد ولا شى مع انه تدريب مو وظيفه ..

بس ماتخيل نفسي امشي واقول اني جالسه اتدرب واقول القصه الكئيبه كلها ..

اذا احد من صديقاتي سال وش اخر اخبارش بقول بس اذا ماحد سال ولا عبروني ليه اقول..

اما سالفة الخطوبه .. مو حلوه الصديقاتي المقربين يعرفوا من الناس حتى لو كانت من الاهل ..
يعني انتين ماتثقي في صديقتش !! هالدرجه تخافي منها !!!

يعني احنا في العائله مانسمع الا فلانه عقدها بكره !!! و تعودنا على هذا الشى ..

واني افكر ماقول الا بعد العقد هههههههه لا امزح اني متاكده بس تطلع التحاليل ابوي مايخلي احد مابيكلمه ومن الحين اهدد ابوي على هذه السالفه والرجال بعد مايدق بيتنا

بس ساعات من الفرحه تبغي كل الناس تعرف وتشاركش في فرحتش بس هالزمن مادري لويه ينخافوا من كل شى ..

بس سالفة عمتش مرررره قوووويه لويه يعني ماتقول انها حامل !!! مسويه شى غلظ !! مستحيه !!!

وان شاء الله ربي يعوضش باحسن منه يااارب ..وان شاء الله الفرج قريب منش ومنا ياااارب ..




الطائر الازرق

اني مامريت بهذا الموقف لان البنت الوحيده في البيت ..بس بقولش راي..

بصراحه هالرجال هالدرجه ماعنده حريه اختيار ...يعني ليش هو مايختار يشوف البنت الا اقرب لشخصيته و مواصفات الا يبيها ..
فرضا لو الخوات تشابقوا عليه ههههههه او مثلا كل وحده تقول للثانيه انتين وافقي عليه ..

الافضل انه هو يختار ولا يسبب هوشات حتى لو بسيطه بين الخوات ..

وبالنسبه لحفاف كل يوم اقول بحف ولا احف ..اكره شى اروح الكوافير واحف ملل

باقي البنااات هواي وتوته و دفء و حكااايه و يتيمه و حكايه عطر وحساويه وباقي العروسااات ..ان شاء الله تكون في افضل حال ..

وحشتووووني

مساء الخير

يو من وين طالعة الشمس سارونة هني

كيفج و أمورج ، شدعوة ليش متضايقة >> عادي يعني أنت اللي مزاجج كل رايق
،

شكلج لقيت لج وظيفة مؤقتة ، مو ؟
صايرة شكلج تبع ذيلا البنوتات المشاغبات ، يبغى ليهم يخصموا من درجاتج
،
لا .. مو مسألة أن عنده شخصية أو لا

يعني مثلاً هو مو من البلد ، أو أنه جاي من جهة أحد ثاني ، يعني مو جاي ديركت يتقدم
أو مثلاً هو متزوج و يبغاها زوجة ثانية ، فـ مو فارقة عنده

و الأهل يصيروا الموضوع لـ بناتهم و يتشاوروا ، جذي يعني قصدي
،
بالنسبة للحفاف ، مثل حالتي أستمل موت ، بس أحف ساعات مروقة و ساعات كثيرة
بمزاج مقلوب ، ما أحب أروح للكوافير إلا في الدهر كم مرة
،

بعد شو أخبارج ؟..
/

ما تلاحظوا أن هواي غايبة من دهر ، كل هذا مشغولة أو شو
/

موفقين بحق المصطفى و آله
/
إنسانة / الطائر الأزرق

مساؤ ..

كيفكم ؟..

إم إلياس / قلت شكلج نايمة .. شكلج ما فهمت للسؤال عدل
و عاد أنا بعد ما أعرف أطرح أسئلة >> يعني الذنب ذنبج

لا هو عاد عندي من بلد أو ديرة ثانية أهم شيء يجي عند الباب / و أهم شيء أنه ما يكون جاء من جهة أحد يعني جاي بالواسطة
أحس دوشه / و كركمة و الحالة حالة و الأمور متعقدة وما أدري شو>> ذايقة المر بسبب هالحركة

يعني في النهاية تصير هذي الحركة
،
يالله الله يعوضج باللي أحسن منه ، بس أحس الحركة بايخة
شنو ذنب البنت يكسروا قلبها حرامات يقولوا أبغى وحدة و بعدين لمن يشوفوا الثانية يقلبوا السالفة
مو عدلة ، لو قالوا بعد يبغوا وحدة من الاثنتين يشوف من اللي أنسب تترقع
غير جايين يشوفوا وحدة و بعدين يردوا يقلبوا نبغى الثانية مو حلوة الحركة
لا في حقهم / و لا في حق اللي متقدمين ليهم

يالله الله بعين عيش و شوف و ... و شوف
،
بالنسبة للمواقع ، حاولي تفتحيهم على متصفح ثاني

/
هواي / و أخيراً شرفتي، أدري تختبري غلاج عندنا
تتابعي كل يوم عبر التلسكوب شكلج .. تشوفي الأجواء مثلاً أو الأحوال الجوية

زين سوتي فيها أم إلياس ، عملت ليها هزة أرضية بالنداء جبتيها من سابع أرض

،
يو يو تعادلتوا معانا أحنا بعد عندنا قراءة في الليل بس رجال مب نساء
يالله تفضلوا ، الليلة عن العباس بيقرأوا ..

،
بالنسبة للحفاف ، أني ما أعرف بالخيط ما أزبطه

جاء مرة في بالي أجرب حواجبي بالخيط بس ما عرفت ما في أمل
أزبطه بالملقط و لا هو عدل ، بس أتمنى أحترف تزبيطه على الأقل بالملقط والمقص، منشان نفتك من روحت الكوافير
يعني لو جاء مثلاً في يوم ما نبغى نعدلهم في البيت و الوقت نص الليل
إلا عندنا خبرة ما نضطر نأجل ليوم ثاني منشان الكوافير ، بعد قولي إذا المزاج ضارب
يتنطش الموضوع
،
ولا تغطي وايد ، ترى نفصلج من الدوام مو بس نخصم عليج
،
يتيمة / شو صار على الأختبار إن شاء الله أجتزتيه
/
موفقين بحق الحسن المسموم و بحق الشهيد بكربلاء
/
إنسانة/ الطائر الأزرق

مساء الخير

كيفكم ، و المزاج+ الأخبار ؟


أحس روحي قافلة ومالي خلق >_<
،

حكاية بنفسج / أخبارج كيف؟
،

يتيمة/ شدعوة ما دور المرض يجي إلا يوم الأختبار
ما عنده وقت يالله
إن شاء الله خيرها بـ الجاية ، و تحصلي وظيفة أحسن ، طيب
شطموحج تتوظفي مستقبلاً؟..

ليش أنت بتتخرجي من وين جامعة لو مدرسة ؟..

يقولوا ما باقي إلا أيام قلائل على الاختبارات الله يعين الطلاب
/

والباقيات ، كيف الأخبار عندهم ، أكيد البرد ليه دور
في الاختفاء ما
،
موفقين يا رب ، و يقضى حوائجكم بحق المصطفى
/
إنسانة/ الطائر الأزرق

مساؤ ..

هلا فيج يتيمة /
ما شاء الله شكل شخصيتج قيادية
و تحبي الأشياء الادارية

عسكي ما أحب الأشياء القيادية ، أحسها مسؤولية
يمكن الشيء الوحيد إلا أحب في الادارة السكرتارية و طلعت ما أنفع ليها
بحكم أن السكرتيرة لازم ليها ذاكرة منشان لا يتوهق مديرهم في مواعيده
و أني ما عندي ذاكرة ذاك الزود ..

إذا مثلاً فتحتي لج شركة و أحتجتِ موظفات ترى
شهادتي موجودة

و إذا أني فتحت شركة و احتجت مدراء ، ما بختارج إلا أنتِ
بحكم أني ما أحب الوظائف الادارية ،
بس أخاف أفتح الشركة و ما أجي لج إلا أنت متوظفة و اتوهق

،

يالله عقبال ما نشوفج من آنسة لـ مخطوبة و نشوف الدبلة في ايديج
و المعرس قدامج بحق يتيمة الحسين رقية عليها السلام

،
بحكم أن اليوم وفاة السيدة رقية
مأجورين بمولاتنا يتيمة الحسين عليه السلام رقية المظلومة

موفقين يا رب ، و قضى الله حوائجكم بحق الشهيد بكربلاء
/
إنسانة