فضفضه واحاسيس مبعثره..مشتركه بينا..

مساؤ ..

كيفكم أكيد بخير .. عاد أنا مقفلة ربع و نص ..
و اليلة عقد بنت عمتي / مالي خلق أروح >> أهيه أصلاً من البداية مخططة ما تروح
/

درة الكون / و أخيراً طلعتِ صيرين مثل القمر يهل أول الشهر و آخره و وسطه .. >> كأنها لخبطت
الله يعينج امتحانات + محرم .. شكله زحمة والواحد ما يطيق روحه

||بس بنات مدري ليش تفائل عندي حلو هذي الفتره بس في شي مضايقني ||

طيب شاللي مضايقج ؟.. أكيد إذا في شيء مضايقج التفاؤل يقل في هذي الحالة >> معادلة فيزيائية
.
.
بالنسبة للحاسة السادسة
شكلنا أغلبنا عندنا هاي الشيء، بس مو معبرينها / أو مو معتبرين فيها

،
ميمي/ كيفج ، إذا على النت جاي الشتاء يعني مع الجو
مرة بطيء / مرة صاروخ / مرة فوق مرة تحت ، كان بعد واير لس أكيد مزاجه هوائي
،

الله يعينج ، ما تسوا عليهم اأصحاب الدراسة و قولي النحاسة أنهم ما
يحطوا الامتحانات إلا أيام العشرة ، الله يعينج روحي تسمعي يوم و أجزي يوم و الله يعينج
أو تابعي عبر التلفزيون
،
بالنسبة للنظرة الشعرية >> أي شعرية بالله
عفواً الشرعية ، عاد أنا كتبت الفوقية بالغلط وتركتها
،
ما أدري الصراحة أصلاً أني في هذا المجال ما أحب أتكلم أحس روحي أتكهرب >> متحسسة
مع ذلك أنا حايدية في هذا الموضوع مع أني أقبل للتاييد منها للمعارضة
منشان لا بعدين يصير بينهما شيء و يكتشفا في بعضهما فيما بعد شيء
ما كانوا حاسبين ليه حساب و يندموا ، ما يفيد بعدين كلمة إذا فات الصوت ...
/
أم إلياس/ ويش دراني ، ناس يقولوا فيه ، ناس ما في المهم كل اللي جوا رايحين فيها من التعب
والمرض ..
عاد أنا بعد مريضة و أعاني بس أكابر
،
|| بالنسبة للحاسة السادسة لا أني ماشكلي عندي .. اني توقعااااات ||
طيب كم مرة توقعتِ و صار اللي في بالج ؟..
أ / كثير + أذكر موقفين
ب/ مرتين فقط
ج / ليش تسألي ما تلاحظي أنها لقافة

أختر الإجابة الصحيحة ، يالله أختاري و أني أخبرج عندج أو لا
/
سارونة / كيفك ؟؟؟ .. منورة
،
على الحاسة السادسة ، طيب في ناس مو مؤمنة يعني مالها في الروحانية و يا سبحان الله تنبؤاءتها تصيب..
هذا ما يبغى ليه روحانية ، يبغى ليه صفاء ذهني و مع التدرب يومياً تتطور عندج ، و تصير تخميناتج تصيب
على قولتهم هذا الرؤية ما ورائيات ..
و طبعاً فرق بين التنبأ / و التخاطر و الاستبصار
بس كلهم يصبوا في نفس العلم ..
،
بالنسبة احساسج باتجاه أي شيء يصير بالعكس ..
يوووه مثلي ، بس ساعات يعتدل ساعات يقلب مع ذلك تكيفت مع الموضوع
مع الأيام يعتدل إن شاء الله ..
/

توت و كرز / يووه أنتِ هني ،
وين مختفية مع المختفيات يعني ؟..
كيفج ، سلامات ما تشوفي شر شالصاير ؟..

و إن شاء الله السنة الجديدة خير عليج بعد ..
/
إم إلياس / نرجع لج ..
ما شاء الله عليج البنت المطيعية إن شاء الله على الدوم، عكسي أني صحيح مطيعة
بس في أشياء و خاصة إذا فيها قرارات، بغض النظر من هو صاحب الرأي والمشورة
و إذا مو داخل مزاجي ما أتبعه .. فتلاقي صراعات بيني و بين نفسي >> منشان هيك بسرعة النفسية تتعب
،

/
عيونك دنيتي / منورة أحس من دهر مب شايفتج
كل هذا زهق / ملل ما في خلق >> مثلي يعني بس أكابر
،
طلعت أنتِ بعد عندج مؤشر مثلي
شكل مزاجج هوائي

إن شاء الله بحق عظمة سورة البقرة الله يفتحها عليج ، و تتسهل جميع أمورج يا رب
و تنقضى جميع الحوائج
/
يتيمة / أخبارج .. لا صج صايرة من أشوفج أتذكر نجم سهيل ،

أحمد ربج النفسية مو تقلبات إن شاء الله ما يصير عندج هذا الشيء، أصلاً اللي مزاجها هوائي تتعب >> تتكلم عن نفسها
كل ثلاث ساعات بـ مود >_<
/
هواي ..
بس في أشياء تنأخذ بالقلب ، يعني إذا أنت أخذتها بعد تفكير بالعقل تندمي
يعني بـ تقولي لو أني عملت ذاك الشيء كان وفرت علىَّ جهد / و نفسية / و وقت
بس طبعاً لـ حد هلأ مو عارفة أفك المعادلة
/
رورو / مساؤ كيفك ؟..

لا مو قبول / شو يعني بس حبيتِ تسيري
خلج ويانا على طول ، مو بس تمر تسلمي و تطلعي ليش طاردينج مثلاً
أو مثلاً ما في كوب شاي زياجة منشان يعطوج
خلاص أنا أعطيج حصتي >> بحكم أنها ما تحب الشاي بتتبرع لج
بس لا تسيري و تروحي تقطعي مشوار من بيتكم لـ هني
بس منشان تسلمي و تطلعي
/
البقية طبعاً ما نسيناكم .. أني في بالي كم وحدة
دفء صبية.. نور.. الحوارء .. حساوية .. بنوتة الحسا .. والمخطوبات من انخطبوا
اختفوا كلش كأنهم طلعوا من الكرة الأرضية و سكنوا المريخ ^_^
،
الله يفتح جميع الأبواب المغلقة مع إفتتاحية السنة الجديدة
و تنقضي جميع الحوائج بحق الشهيد الحسين
/
إنسانة

مساؤ .. كيفكم ؟..

عاد أنا اليوم أخباري نص و نص
نص رايقة / و نص قافلة
نص نايمة ، و نص النوم طاير

و فوق هذا البارحة جيت بضيق ساعتي ، و أني أدق الأبر دخلت في إصبعي .. و صار رايح فيها كأنه ملتهب
.
.
المهم ..

دعواتكم ، لـ مديرتنا [توت و كرز ] بالشفاء العاجل

بدونها أحنا ما نعيش ..

يا الله بحق المصطفى و آله
و بحق الشهيد بكربلاء و غربته
و بحق غربة السجاد و حرمته
شافي [توت و كرز] و ألبسها ثوب الصحة و العافية
و أرزقها السعادة في كل دربها

عشان ترجع لينا المنتدى .. و نشوفها كل يوم و كل ليلة >>> هذي الأخيرة خوش دعوة ما

/
إنسانة

هلا فيج ميمي /
يا هلا مساء الجوري..
أخباري ...؟؟؟؟
والله قافلة بالطول و بالعرض >> نشرة الأحوال الجوية مرة فوق و مرة تحت
،
والله أحس روحي منهكة ، و قلبي بيوقف
و زيادة الخير خيرين حاطة لي قصيدة تذبح .. >> شكلها تنتحر بـ بطء
/
بالنسبة للمعادلة ، ما شاء الله عليج ، شكلج يا تدرسي رياضيات يا كيمياء بس الأقرب
رياضيات ..
بس حلوة المعادلة يا ليت نقدر نطبقها في حياتنا ..
،
بالنسبة للحاسة السادسة ، مثلي ساعات أفكر في ناس من جهة الزواج أو خطوبة
و في الليل أسمع خبرهم أقول بيني و بين نفسي هذي المفروض يشكروني لأني عرستهم أو يدفعوا لي

... بس أهم شيء يكون التنبأ إيجابي .. منشان لا نسبب للناس المصايب
/
بالنسبة لأصبعي ، جاء العلاج متأخر ، هلأ خف أشوي صرت أدلكه بـ هدوء منشان يتحرك الدم
و خف بس لسه فيه ألم ..
مشكورة عزيزتي ..
،
إذا على الامتحانات .. أحس كل مختلعين أصحاب الدراسة ..
ما يمدي الواحد يتنفس كل يوم و الثاني يالله امتحان .. شهالحالة كبت أنفاس
،

يالله خلنا نشوفج على طول
/
إنسانة

هلا فيج يتيمة ..

أهو الليلة ليلة المباهلة ؟؟؟

تدري راحت السالفة من بالي

يالله متباركين ..

،

هو ملل ، مو بس ملل حتى اختناق توصل
،

إنسانة

مساؤ ..

كيفكم ؟..

هلا فيج رورو .. أيه خلج جذي
بنوتة مؤدبة >> يعني لا تشاكسي
،

ما شاء الله كل هذي الأيام امتحانات ، كان في الطريق عطوكم نص الشهر امتحانات
كل يوم والثاني امتحان >_<

عاد أنا أفتكيت من الامتحانات و ساعتهم .. أني أيام الدراسة ما أشتهي
حاجة أسمها امتحانات أزهق ، كنت أتمنى أيام المدارس يصير كل التقيم بالمشاركة
يوم حسوني تخرجت طبقوا النظام >> شفتوا وين توصل فيهم الـ ....

/

يالله موفقين يا رب ، والله يفتح أبوابه من أوسعها
/
إنسانة