فضفضه واحاسيس مبعثره..مشتركه بينا..

محبوبه ياقلبوووه ...
طااار ردي مادري وينه اهييء ...

ردود البنات كفووا ووفوا ماشاء الله ...

محبوبه شووفي هذا الحديث " اذا احب الله عبدا ابتلاء "

وقريبتي كنت نفس الشي دايما يتقدمو ا اليها ناس مو زين فيهم بلاوي كبيره بعد مو اي بلوه وجه رزقها وان شاء الله يجي رزقش انتين دعيت لش من قلب ان شاء الله تنخطبي بسرعه عشان تنسي الموقفين اثنينهم
ودعيت اليكم بنوتاات ^.^

محبوبه ... صدقيني اني بعد كل كدا مثلش ماتكتمل فرحتي وكل مره اقول غير بس وضعي غير عنش شووي والفترات متقاربه ...

ونسيبتي كانت كدا يتقدمو اليها كل يطلعو مو زينين وابو بلاوي وكدا اكو انخطبت الحين من فتره بسيطه يعني ابشري بتفرج

بس خيتووه في حديث يقول "اذا احب الله عبدا ابتلاه "

فصبري ع هذا البلاء لانه انتين قده من كدا ربش ابتلاش بهذا الشي ...

واان شاء الله بسرعه يجي حبيبي القلب ...
ابتسمي حبيبتي تعودنا عليش بنشااطش لا تيأسي

الله يعوض عليش غناتي محبوبة .. والحمد لله هذا خيره لش ما ابتليتي بواحد مو زين

وان شاء الله هذا المتقدم لش حتى لو مو زين يكون فاتحة خير ويجيش افضل منه

لا تضايقي نفسش .. اني حالي دايماً يصير زيش انعزل عن الناس ولا اذوق الاكل .. بس الحين قلت مافي شي يستاهل .. كل تأخيرة فيها خيرة ومهما اكون احسن من غيري متزوجين وتعباننين في زواجاتهم

اني حالي قريب منش .. وضعي متعسر .. فيه ناس يمكن من 4 شهور يسألوا عني .. والتقوا فيني في اكثر من مكان وعودوا قبل شهر يسألوا عني

بس مادري شنو المانع بالضبط

الله يقدم اللي فيه الخير

والله يوفقكم ويسعدكم يااااارب

ماحلاكم يالبنات ..تجننوا جمعتكم وهدرتكم...

الله يدوم عليكم السعاده و راحة البال يااااارب..

انبسط لما اشوفكم كذا ..الله لايغير عليكم يارب..

يالله كل وحده تسوي لها نيولوك جديد ..عشان ربيع موسم الافراح ..



محبوبة حبيبي..


غناتي ترى كذا مره اجي ارد بس ماعرفت وش اقولش..

صحيح تنقهري ..واحس باحساسش وااااجد بس بقول ليش حاجه يمكن يهون قلبش ياغناتي..

اعتبريه الخاطب الا جاش بشاره خير من رب العالمين ..اشاره حلوه..
زي مايقولوا ان في أمل انش تنخطبي وهذا حطي في بالش زين..

الحين انتين زي طالبه عند الله وجالسه تتعبدي وتسوي فروضش واعمالش ..

وربي يبغى يشوف صبرش و ايمانش ..هل انتي على قدر من الايمان ..؟؟

هل انتي تسوي الاعمال بس كذا؟؟

ياغناتي هذا اختبار من رب العالمين ..يبي يشوفش قوة ايمانش وتمسكش به..

لاتخلي الشيطان يخرب كل اعمالش و كل شى عشان واحد ماراح ولا جى..

يمكن هذا خيره لش من رب العالمين..

انتين انسانه طموحه وتحبي العلم و الشغل ..يمكن هالانسان راح يظلمش وبيخليش في البيت ويحطم احلامش الا تحلمي بها..

الانسان الا يقدرش و يحبش ان شاء الله قرررريب ربي بيرزقش في العاجل..

ماتدري متى و وين ..بس اكيد ربي بيسخر لش المكان و الزمان ..؟؟

صحيح انتي زعلتي وانقهرتي ولحظه قريبه من الفرح كل شى يخرب ..وتحسي انش اتعس انسانه في الدنيا..

بس لما تفكري و تروقي تحسي انك افضل انسانه ..

اني مؤمنه ربي بيرزقش بانسان على قد نيتش و طهارة قلبش..

انسان محترم و رزين يشجعش في شغلش و دراستش ..يوقف معاش في كل خطوه..

بس هالانسان محتاج صبر عشان يجيش ..

بيجي يوووم بتفرح وتنبسطي ياشيخه..

وخليش متعززه في بيت العز و الدلال..احنا بناتنا مو احد ياخذهم ..

نربي و نكبر واخر شى واحد مايستاهلش ياخذش ..

>> كلام ابوي خخخخ

غنااااتي لا اضيقي روحش .. وخليش دايما الانسانه المتفائله الحنونه ..

تدري من كم يوم طالعه مع صديقتي وقابلت بنت من بنات جيلي ..وصارت تحكي وتقول انها طلقت ..

ليه يابنت الناس ..قالت اول ماخطبني تصفعت عمري ٢١ سنه وانخطبت من قدي و وافقت عليه مع انه مايناسبني في التعليم و البيئه ..وفي الخطوبه حاولت انسجم معاه ماقدرت وصرت اروح دكتوره نفسانيه جاني اكتئاب وقالوا لي الحل اني افك منه..زين لويه مافكيتي ع ..قالت ماقدرت الحب اعماني ماقدرت افارقه..و تزوجته ٣ سنوات ماقدرت اعيش وياه فوارق كبيره بينا والحين هي تطلقت..

الاستفاده من كلامها ..اني اكون معززه في بيتنا عازبه ولا مطلقه ..يعني حالتنا احسن من اي حال..والحمد الله على كل حال..


سواره


غنااااتي حالتي زي حالتش ..نسمع الناس تسال بس مافي احد يدق الباب..

لدرجه اذا احد قال لي ماهتم ..لان نفسيتي تعبت وهم بعد يتعبوا القلب..

بس جى على بالي شى وقلت بسويها ..

لان اني في ناس يسالوا عني وهم قرايبني ..وبصراحه هم خوش ناس ..

قلت اني بسوي صلاة المحبه وبذكر اسمه..او اسم امه

تتوقعي ينفع وياهم ولا لازم اجيب حبل واسحبهم :suspect:



توت و كرز

عااااند حسي في مابنخطب

سارررررونه وينك مختفيه نووورتي
كوويس ربي يدوم الي يٍالوا عنك بشارة خير هده يااارب
اما سالفه الحبل دي عجبتني

فيه دعاء ناد عليا مظهر العجائب تقريبه لمحبة شخص بعد فيه موضوع هنا في المنتدى وربي يوفقك يااااارب

ههههه سارونه طلعتي قويه والله
بتسحبينه بالحبل اتوقع ينفع معه فارسنا هههههه
الله لا يغير علينا يا حلوااات

بس أبي أعرف صلاة المحبة إذا ممكن تكتبينها لي

يااااااابعد قلبي أنتوناااااا

احبكم والله

ساورنه وحشتيني عفر من زمان ماشتفش

الاحساس اذا اشتغل ع وحده فيكم بقول ليكم

سارونه وشي ذي عفر الصلاه علمينا له جان نسحبه وياااااااش خخخخخخخخ

اليوم اختبرت وماااااااعديت

ناقصه بس 5 علامات حرام مذاكرة وقاتله عمري وفوق هذا كله تعبانه كل منسدحه ومستشفيات اعتبر مجاهده مو

توسلت في الله واهل البيت

والكل متفائل ليي اني بنجح

في الاختبار حسيت نفسي مااشوف اخترت عشوائي

وكل سؤال اجاول عليه اقول عليك علي بن ابي طالب

بس يلا الحمد لله اكيد هالشي خيرة

بس بعدني متفائله

صح انقهرت اني رحت واختبرت ناس خلو غيرهم يروحو عنهم حتى كلموني وقالو ليي

قلت لا بروح اني اختبر لان يواثقه في قدارتي بس ماعديت

تأزمت نفسياا ومالي خلق اكلم احد

جيت البيت وحدي بس صليت ودخلت المنتدى اشوف اخباركم لانكم وحشتوني

دعواتكم

ألف مبررررررروك
ايثااار
وعقبال مانبارك لك بالتخرج والزواج

توتاااااااااااااية القمررررررر
الله يعوووووووضش بكل خيرررر يارب ويعوضنااااا

الايثاار
الف مبررررررررروك عقبال الخطوبببة هههه يارررب

يارب عوض صبرناااااااااااااا خيررر في هالدنيا المتعبببببببببببة


يا فارج الهمّ، ويا كاشف الغمّ، فرّج همي ويسّر أمري وارحم

ضعفي وقلة حيلتي وارزقني من حيث لا أحتسب يا ربّ العالمين

بنآات

انا كلها كم ساعة واروح المششششششغل والليلة الزواج قلبي موووسيقى من الخوف

بنات تكفوووون ادعوووا لي يمكن وحدة مني مناك تتطل بوجهي وتسال عني ويصير شسمة ذاك بعدين يخطبوني

ياااربي ماادري شسوي البارح بعد ماجينا من حنة خالي لبست الفوستان وحذاء سندريلا وقمت الف الف في البيت وارفع في شعري وانزلة وافكر اقول معقولة في احد في العرس بيطل في ووجهي وبيقوولووا حلوووة ااةةةة ذبحني التفكير والتسؤلات

بنات امانة امانة امانة امانة
ادعووووووووووووووووووووووووووووووا لي ربي يكرمني هالليلة وبيصير الي ابية
دعووواتكم
لاني بغيب عنكم كم يوم ماراح يكون النت موجود بكون مشغولة في العرس بعد يومين التقي فيكم
وان شالله اجي ومعي اخبار حلوووة وتفرحووون معآي

بشتااااااااااااااق لكم

توووت
ربي يوفق لش يااارب بجاة النبي وآآله وتلاقي من يتمنااااااااك ويستاهلك

كيف صلاااة المحبة احد يعرفهاااااا؟؟؟


....

الايثار

الف مبروك غناتي وعقبال التخرج والخطوبه

بنات علموني كيف صلاه المحبه ضروري

هلا خوووواتي..

اني موجوده بس اتابعكم من بعيد الى بعيد..واعرف اخباركم و احوالكم وادعي اليكم ربي يسر اموركم و يوفقكم جميعاااا..

الايثار..

الف مبروووك على النجاح ..وعقبال تخرجك ..و خطوبتك يااارب..
و زي ماقالت سواره..مجرد فضفضه ..ماهو حسد ولا شى..يعني ماراح نصير مثالين ونقول مانحس بالغيره او شى..هذا شى فطري في البنت..
بالعكس اني اول ماسمع عن بنت اصلي على محمد وال محمد واذكر ربي ..وادعي ربي يسعدها..و يرزقني زي مارزقها..


بنوته الحسا

اقري سورة طه قبل ماتروحي العرس ..وسمي بالرحمن و صلى على محمد وال محمد ..وخليش بعض الوقت مع امش و سلمي على الناس و وصي امش تعرفش على صديقاتها وتقول لهم هذه بنوتي الحلوه و تدرس تمريض وقريب راح تتخرج لووول و لا تبوزي خخ يعني خليش مبتسمه و انبسطي ولا تفكري في الموضوع واجد..حاولي تنسي شوي في العرس عشان تكون ريلاكس و طبيعيه ..
وان شاء الله هالعرس فال خير عليش ياااارب..


سواره

تسلمي خيووووه ..ان شاء الله بسويهم ..وعلى فكره تراني مره متفائله هالسنه و بقوووه..
خاصه جتني بشاره في الحلم وفسرتها وطلعت مرررره حليوه ..
وهالايام كل مع اختي و زوارها ويختلعوا اذا شافوني لان يفكروني في امريكا واني خلاص مابرجع الا عقب سنتين ..فاول مايشوفني يختلعوا اني موجوده بالبلد..وغير كذا احس شخصيتي تغيرت لافضل..لان كنت خجوله وكل ساكته خخ الحين صرت افضل ..اتكلم و اتناقش..وادخل بالكلام ..السفر غيرني وعطاني ثقه كبيره بنفسي..فقررت اني اندمج شوي وياالناس واحضر محاضرات و اشياء اجتماعيه ..يعني راح افعل بالاسباب وغير كذا اقضي وقت فراغي..
و يارب نسمع خبر حلو عن وحده من البنات ويانا ..

بنااات

ان شاء الله راح انزل طريقة صلاة المحبه ..في موضوع مستقل..
وفي اكثر من طريقه بعد..انك تقري على ماء ورد معين وتحطيه في بيتكم تهدي النفوس الا في البيت..
راح انزلهم كلهم في موضوع ان شاء الله ..

بنوته الحسااااااا

الله يبارك ليكم ان شاء الله ونفرح فيك عن قريب يارب
والله يوفقش وينولك مرادك


ساارونه

ننتظر الصلاه بفارغ الصبر

السلام عليكم ورحمة الله وبركاته

اخباركم يا بنااااااااات ... اكيد كلكم زيييناااااااتتت

هااااا كيف صااارت محبوبة .. ما في اخباار عنهااا

إن شاء الله تكون بالف خير ....

يا بنااات تفائلوا ... الخير قريب الخير في الطريق

اقرب من مااا تتصوروا ....

امس المساء عي النوم يجيني .. كان عند شعور قوي

ان ابا الفضل العباس سلام الله عليه حاضر

والله و العبرة ما فارقتني إلين الصبح .. سبحان الله ما تذكرت غيركم بالدعاء

والله احس بالتفائل .. كثير كثير كثير

اتمنى لكل وحدة التوفيق والسدااااد

مع الف سلامة

كيفكم عروسااات..

نور

الله يسمع منك .. والله يستجيب دعائك بحق أبي الفضل العباس ..



يابنات توسلو بالعباس..
أأبا الفضل العباس مايخيب احد ..

<<< قبل سنتين قررت أقرا ختمة للأبي الفضل العباس(بنية قضى الحاجة وهي الزواج ) وبدأتها من شهر محرم وصارت عندي ظرووف وتوقفت
وماكملت الختمة صارت عندي ظروف وقفت الختمة بس من داخلي متحسرة وودي اكملها ورجعت اكملت ماتبقى من الختمة بنصف شهر ربيع الأول
وماخلصت منها الا بربيع الثاني ببدايتة ..
تونقضت حاجتي بعد شهر تماما من الختمة
تقدم لي واحد بس ماتم الموضوع لانه طلع مريض..

خلكم على طول متفألين يابنات ..
والله مابيخيبنا والله يقضي حاجاتنا جميعا ..

أهل البيت ما يخيبون أحد
سلام الله عليهم
تفائلوا بالخير تجدووه يا حلووات
ما طال الصبر إلا بتفرج إن شاء الله

محبوبه لك وحشه
طمنينا عنك يا عسل

لايثار..

الف مبروووك على النجاح ..وعقبال تخرجك ..و خطوبتك يااارب..
و زي ماقالت سواره..مجرد فضفضه ..ماهو حسد ولا شى..يعني ماراح نصير مثالين ونقول مانحس بالغيره او شى..هذا شى فطري في البنت..
بالعكس اني اول ماسمع عن بنت اصلي على محمد وال محمد واذكر ربي ..وادعي ربي يسعدها..و يرزقني زي مارزقها..






الله يبآرك فيك غناتي

والله يبآرك فيكم خواتي وعقبالكم يآآآرب


لا غناتي الله يعلم ماقلت عن كلامك وكلام البنآت انه حسد
وربي ماكنت اقصد

بس انا اقول ان في ناس ينقلب كلامهم لحسد دون مايحسون
ولاأني عايشه واشوف هالشي في الي حواليني

بالعكس انا قلت هالكلام لاانكم خواتي


الحمد لله على كل حآآآل