فضفضه واحاسيس مبعثره..مشتركه بينا..

مساؤ ..

كيفكم... شأخباركم و أنتوا ما بقى شيء و بتطلعوا على الناصفة ؟..
جهزتوا شيء، أهم شيء النفسية متجهزة ..

عاد عني ما جهزت نفسيتي أحس روحي موترة لـ ذيك الليلة هذا غير شهر رمضان اللي صايرة أحاتيه من شهر رجب :pale:
/

هواي / راحت عليج ما أتذكر شيء الحلم كل أبوه بخر
،
إن شاء الله تستانسي في العرس، و عقبال ما تطلعي من الصالة و أنتِ محجوزة
و تجي تقولي لينا سألوا عني ، و هلت البشاير
/
يتيمة / كيفج ..؟,,
وقت ما تحسي نفسج مالج خلق، تعالي هني و اكتبي حرفين حتى لو مالج خلق
و أنتِ تكتبي السطر الأول ، بصير لج خلق تكتبي ثلاث أسطور
وبعدين أشوي أشوي بيصير لج خلق تسولفي >> وصفة طبيب أهي

،
الله يعين قلبج ، و الله يفرحج و تطلعي من الجو لـ جو أحسن يريح بالج
كلنا في الهوى سوا ،
خلج ريلاكس على طول وتعالي ألعب معاي كورة مع أن مالي خلق ذاك الزود بس منشان ألعب
أو اقرئي معاي كتاب أو نلعب مع الخيول شو أنت أختاري

/
جود الزهراء / كيفج .,,
وحشتينا حد النطة >> طبعاً على قولتج حد الدعسة بس أني ما أحب السيارات عدل
حرفت في الكلمة
،
أم إلياس /
ياللى مختفية ، شو فريتِ كم بلد ، في هالغيبة ،

بالنسبة لأخباري ، هي هي ، ما في شيء
بس الظاهر أنتِ عندج أخبار جديدة، يالله خبرينا شو اللي عندج ..
،
والله مو بس توت و كرز، سارونة، وايد مفقودين
ما في اللي احنا مداومين ، يبغى لي أخذ اجازة أسبوع و ربع و يزيدون >> لا تصدقوها ترى
/
إنسانة/الطائر الأزرق

مساؤ..

كيفكم ، أكيد بخير
أحس روحي زهقانة أطقطق على الكيبورد .. ما في مزاج ذاك الزود

،
هواي / كيف العرس إن شاء الله طلعتِ نجمة الصالة ،
ليلة الجلوات أكيد لبستِ جلابية خضراء ما ؟..

/
حساوية كيفج ، كأنج مختفية لو يتهيأ لي ؟..
،
سارونة ، منورة شخبارج ، شأخبار بنت أخوج المريضة إن شاء الله صارت أحسن

عقبال ما نسمع بخطوبتج بعد النص ..
/
درة الكون / الحمدله على السلامة زيارة مقبولة ، كيف ايران
أكيد الأجواء لا توصف مب مثل جونا التعبان / و حالتنا هني >_<
كيف الأماكن السياحية لو ما مريتِ ؟..

كان مددتِ أشوي ،
/
حكياة بنفسج/
أنا موجودة بس أنتِ مختفية ..

مو منشان جي اليوم مالي خلق أكتب شيء،
كلما حسبت في هالمصاري / الفلوس كلما رديت و تلخبطت
و رديت عديتهم من جديد
شكلي في النهاية مب عاطتج شيء ، تعبتيني و أني أعد و أحسب
/

متباركين مقدماً وينعاد عليكم بالخير و الصحة و العافية
/
إنسانة/ الطائر الأزرق

مساؤ ..

كيفكم ، صبايا
متباركين بمولد النور القائم
كل عاااااام وأنتوا بألف خير ، و إن شاء الله بعد الناصفة
نسمع بالعقد الجماعي ..
/

هواي / وأني أكتب كلمة جلابية خضراء أقول بين و بيني نفسي أصلاً شكلها ما لبست جلابية منشان تصير خضراء، بس تخيلتج مثلي في عرس أخوي >> كلن يرى الناس بعين طبعه شكلج طلعتِ خطيرة ، الله يسمعنا أخبارج الحلوة ، و يارب ينفتح الباب
ويجي الفارس الهمام و نفرح فيج ، ونزفج عاجلاً و ليس آجلاً
/

حكاية بنفسج /إذا على المزاج ، الله يعين ، كل هشكل مرة فوق ومرة تحت تقولي مؤشر بورصة >> كثريها مؤشر بورصة
والله اليوم أحس روحي دايخة ، إذا المزاج يعتدل ، الصداع يبغى ليه دهر يفل

من زوده و أني اقرأ تعقيبج وصلت عند هاي الجملة

اقتباس :

[مافي مزاااااج اصلااا الله كررررريم بكرة]

قرأت كلمة [كريم ] بدون كلمة [الله] جالسة أقول ويش كريم ، كريم
ويشو تقصد ، راح تفكيري للكريم اللي حطوا على الوجه >> كثريها

وبعدين رديت اقرأ الجملة ، و [طلعت الله كريم]
بس قولي إن شاء الله ما يجي الليلة اللي اعتدل المزاج مو يقلب زيادة ، لأن أعرفه موده مو ثابت الناس مستانسة و هو لاطش زهق ، وما في خلق
/
بالنسبة للفلوس ، أخاف من تجي تحسبي ، تلخبطي ازيادة ، و تأخذي فوق حقج..
بتقولي لي هذا لليمين و هذا للشمال وبعدين أجلس على الحديدة تفلسيني
،
سارونة/
منورة عيزيزتي ، كيف أخبارج ؟.. إن شاء الله تكون أمنيحة
و أتوظفتِ ،

الله يفرج عنها ، و يالله بحق هذه الليلة الله يرأف بحاله و تصير فوق الـ امنيحة
قرأتوا ليها حديث الكساء على شيء و عطيتوها وياها ؟؟؟
،

دفء صبية /
منورة، وين الغيبات ؟..
شكلج صار لج فوق الشهر تجهزي للناصفة
الله يديم الوناسة يا رب

متباركة بالمولد و ينعاد عليج بالصحة و السلامة
/
إنسانة/ الطائر الأزرق

هواي/ ايه توقعت تكوني هيك ..
تتهني ، إن شاء الله يتقدموا لج اثنين مع بعض و تختاري الأفضل فيهم

بحق الليلة النصف ونفرح فيج
بالنسبة لـ لبان الذكر ، اسأليه أنت ذكر و لا أنثى و لمن يجاوبج بتعرفيه أنه لبان ذكر

هو اللبان نفسه ، يسموا لبان ذكر ..

،

حكاية بنفسج /
فيه مولدين عن الإمام المهدي ، بس ما لقيته باليوتويب
واحد منهم لـ حسن الدراجي / الليلة عيد الإمام
الثانية ، لا لا يا قلبي / لـ عبدالحسين الزرداوي
وايد حلوين

و هذا الثالث وايد حلو / القصيدة وايد حلوة شوفيها

https://www.youtube.com/watch?v=ifQAYk1E5z4
،/

إنسانة/ الطائر الأزرق