فضفضه واحاسيس مبعثره..مشتركه بينا..

السلام عليكم ورحمة الله وبركاته..


بنات لاحظت الكثير منكم كثير محبطين و يأسيين خاصه في موضوع محبوبة حبيبي ..عن تمت خطوبتي..وان شاء الله تم

وحبيت مارد هناك عشان الموضوع لا يصير فضفضه بدل موضوعه الاساسي..



بنات لا تأزموا روحكم ولا تفكروا في الموضوع..

انتوا ادعوا واعملوا بالاسباب وتوكلوا على رب العباد..

ترى كل مافكرنا في الموضوع ..مابيصير.. وهذه لاحظت في حياتي..

تأتي الاشياء الجميلة حينما نَكفُ عن انتظارها

وترى اغلبكم صغار و لسى في بداية حياتكم..يعني وش تقولوا الا قريب اعمارهم 30 ..

استمتعوا في حياتكم و دراستكم..اطلعوا وجبوا الناس واهتموا في صلة الرحم تراها تجيب الرزق و التوفيق...الحين جاي محرم..اكيد في روحات للماتم ..تطوعوا للخدمة الحسين عليه السلام..اذا كنتوا فاضيين..انسوا الهموم والزواج..ماتدري يمكن لما تروحي و تجي ام او اخت تشوفش و تخطبش..يعني اذا جلسنا في بيوتنا من الا بيشوفنا

لازم نسوي بالاسباب..

وان شاء الله ربي بيرزقكم بالزوج الصالح الاتستاهليه..

و الشى الثاني ترى في ناس واجد مخطوبين و متزوجين بس ماهم مرتاحييين في حياتهم ...ترى البيوت اسرار ماتدروا..

لا تغرش الضحكه والابتسامه العريضه..وكل شى زوجي و خطيبي ..لا تتاثروا..

تدروا لما رحت الحج غرفتي كلهم بنات اصغر مني و متزوجين وعندهم اولاد ..في البدايه تاثرت..ورحت اطوف وجلست اشكي همي الى ربي واني مررره قريب منه ..يعني اقرب من الوريد وكنت مره نفسيتي تعبانه.وقلبي مليان هموم وفشل.لان كنت محتاجه اني اجي مكه بعد ان عشت سنتين بره مافي اي جو ورحاني او تعبدي..و نزل علي السكون والطمانينه و شى برد على قلبي..و لما رجعت وجلست افكر تدروا حسيت حالي احسن منهم..وحده منهم ماكلمت الثانويه.شهادتها متوسط .واني الحمد الله جالسه اكمل ماجستير..والثانيه زوجها مايخليها حتى تطلع الا مع امها ومايتركها ابدا وهي تافف من هالحال يعني مافي ثقه والحمد الله اهلي واثقين في واااجد..والثالثه صبغت شعرها ٣ مرات ولا حس اليها ولا يدري وش لون..ولا عبرها وهي تشتكي وتصيح منه..والرابعه مايدري عنها ولا جاب خبرها

الحمد الله على كل حال..حالنا يمكن احسن من حالهم..

اهمشي صحتنا وعافيتنا تمام والحمد الله على كل حال..احمدوا ربكم رزقنا بيد رب العالمين مو بيد بشر..

وربي هو القادر على كل شى متى هو أمر و كتب الرزق مايقدر لا السحر ولا الجن ولا التابعه يوقفوا نصيبنا..

ربي كرررررريم و وبيرزقنا بأحسن رجال ..يمكن تاخر زواجنا خيره من رب العالمين ..نكفر عن ذنوبنا و فرصه تقرب اليه..

اذكروا ربي يحبنا اختارنا احنا قروب البنات (عروسات المستقبل) نتقرب اليه بالاعمال و الادعيه والتعبد..

واني مره متفائله من الصلاه..لان احس صارت عندي هاله من الانجذاب وهذا شى لاحظته في الناس و كلامهم علي..

وماراح اترك الصلاه ان شاء الله..


نصيحه متى يأستوا اذكروا مصايب غيركم و تهون عليكم مصيبتكم..اذكروا انتوا معززين و مكرمين في بيت اهلكم ..
اذكروا نقاط القوه فيكم وهم نقاط الضعف فيهم بينش وبين نفسش..عشان تكوني قويه وماتحسي بالانهزام و ضعف..تراه كل من الشيطان يوسوس فينا و يبغى نترك هذه الاشياء الا تقربنا من رب العباد.

واذكروا مصايب اهل البيت عليهم السلام ..ومصيبة كربلاء ..ماعتقد في اعظم من مصايبهم.





خوااااتي فضفضوا و تكملوا يمكن ترتاحوا..عادي عبري عن شعورش..

احنا تجمعنا كلنا حاجه وحده ...يمكن المتزوجه او المخطوبه ماتفهم شعورنا او تقلل منا..
عندش شى مشكله او تحسي بشى احنا كل موجودين ..

دعواتكم

و عفوا ادري الموضوع مو مناسب القسم ..بس ماحد راح يشوفوه لو احطه قسم ثاني

ولعل الذي أبطأ عني هو خير لي لعلمك بعاقبة الامور

وربي يتمم علينا بخير بحق النبي وآآله

تووووووووووي سمعت عن بنت خالتي انها نخطبت مادري كيف حسيت من داخل
زي القشعريرة وقلبي خايفه مادري ليش :suspect: تتوقعو ن شي طبيعي

هواي

نفس شعوري بالضبط وخصوصا ادا كانت اصغر مني

وش نقووول صرنا في زمن غير عن كل زمن

الشباب ما عندهم اشغال وزين اذا حصل شغل والراتب قليل

وليين يفكر يتزوج صار عمره با لثلاثين او نهايه العشرين

واغلب الاهالي الحين تدور الصغيره من سن 17 ويمكن اقل مايهمهم الاخلاق

اهم شي الجمال والعمر

بقول لكم موقف صار معاي


في مره اتصلوا ناس جايين يشوفونا ماحددوا طبعا اي وحده فينا

المهم دخلت اني على اساس امي تفكر جايين لي بعتبار اني الكبيره

وولدهم تقريبا مناسب لعمري عمره 27

دخلت وقعدت وضيفتهم :pale:

وضرب اسئله :silent:

الا وحده فيهم تتكلم تقول ويين الصغيره واني صار وجهي كذا

ياربي صدمه مررره انصدمت

تقول احنا نبغى نشوف الصغيره

امي قالت لهم لا مابنزوجها لانها لسه تدرس بالثنوي

تخيلوا وش كان جوابها تقول لا غصب احنا نبغى نشوفها



والله نصدمت تخيلوا واني قاعده قالت ذا الكلام والله حسيت اني بنفجر من الصياح بس مسكت نفسي

هههه بس عجبتني اختي

قالت لا ماني وشو اتزوج بعدني صغيره

وجت سلمت بالبجامه وحتى شعرها مامشطته ههههه ضحكتني :face:
ولما قالت لها الحرمه اجلسي معانا قالت لا بطلع مو فاضيه بروح اذاكر


وسوالف الحريم دي خلاااااااص مليت منها ياليت الابجوا يخطبوني يجيبوا الخطاب والسلام بدون شوفه بلا بطيخ ههه احس نفسي زي البضاعه
حتى تعودت على الحريم ماصرت استحي مثل قبل

طبعاً مانقدر نعترض على حكمه الله وقت ماالله أراد ان الشي يتم رآح يتم

,

في كم هالشهر الي طافوا شافيت وسمعت العجايب ويمكن أثر على نفسيتي صرت مااقرا ادعيه ولا أسوي اعمال وحتى موضوع الصلاه مااحب أدخله بجد نفسيتي تعبآنه مو سالفه موضوع الزواج وربي موضوع الزواج مو جايبه له خبر بس لااني ماأدكر ربي الا في الصلاه وبس
اعمال ادعيه وغيره مافيه

مو لاأني مو حابه بس حسيت كثــر مااأسمع عن الأشياء الغبيه الي تصدر من الناس تجيني غبنه ليش وصلوا الناس لهالمستوى من الدنائه والغباء والجهل

صار لي موقفين الموقف الاول ومن نسايبي
رسلت لها سايت الموضوع قالت لي واااو الحمله الرابعه ويني انا عن الحملات الي صارت وزعلت ليش اني ماقلت لها

انا لو مااحب الخير كان بالاساس ماعطيتها السايت مو الاقي هجوم منها

الموقف الثاني وهم نفس الحاله بس هدي اللهم قالت المفروض انا اول وحده تعطيني الصلاه لاانها اكبر وحده فينا
يعني بالعقل لو عطيتها الصلاه اول وحده يعني راح تنخطب قبل


وغير البنات الي من يسمعوا بنت انخطبت جلسوا يصيحون وحالتهم حاله

,

وغير البنات الي يروحون لـ ناس مجهوله حق تقرا لهم الفال مدري خرابيط
ترسخ في مخهم اشياء غبيه وتجلس هديك البنت تندب حظها
وحده تقول لي وهي تصيح وحالتها حاله ماهي عارفه شتسوي : قالت لي فلانه اني بنخطب وبفك
وهدي المرا الي تقرا الفال يتصلوا لها ناس يقولوا احنا ماسمعنا كلامش وصار الي صار
اتقول لهم مو قلت لكم ان راح يصير كدا وكدا وانتي ماسمعتوا الكلام

مدري أحس نفسي جالسه في مجتمع جآآآهل
مو لهدرجه وصلنا لهدا المستوى من الغباء

سمعت وشفت اشياء وايد تجيب الغبنه ..

,

عن نفسي أول ناس تقدموا لي الناس مدحته وحللنا وطلع التحليل مو سليم لما طلع مو سليم انا تفاجئت يعني
صليت ودعيت بس الله ماكتب "غبيه هههه "

بس عرفت بعد فتره ان هالشي خيــــــره لي طلع الولد مو زين

وفي اشياء تصير وايييد وماتم وبعد فتره تكتشفي أن هدا الشي خيــره من ربك

والله يابنات والله
الي تصير لها هدي الاشياء تحط في بالها ان هدا الشي خيره من رب العالمين وان الله كاتب لك الأحسن والأفضل

والشي الي المفروض كلكم تسونه الي قالت به الاخت سارونه انكم تنسون موضوع الزواج
وعن تجربه اقول لكم
ادا نسيت هالموضوع الناس تسأل عني

اني اوقات احس نفسي متفائله اوقات احس نفسي متضايقه مخنوقه اقعد اصيح اني اكبر وحده في بيتنا تالي اختي المتزوجه احيان ناس تخليش تحسي انش كبيره وعنستي احيانا افكر ويش شي لي ناقصني
مع اني حليوه موقبيحه وصرت من قبل لم اسمع عن وحده انه نخطبت وهي مي حليوه اضايقه وساعات لين اسمعت لي اعرفهم هم متزوجين وحده تقول زوجها موعاجبنه والثانيه مومرتاح اقول خليني في بيتنا احسن كل شي ابغاه اسويه واهلي مومقصرين والحمدالله على كل شي اهمش الصحه والعافيه

هلا بنوتــآآآت تدروا توني اشوف الموضوع
لان مرة النت عندي مشاكل

ساارونة مبدعة فديتك خيووة مااقدر على افكارك مرررة الموضوع حلو تصدقي زي اخلاقك غناتي

هوآآي << تااروتية خيسووش من ريحة ماي السمك اجل هههههههه
عقبال ما ناكل سمك خطوبتش ياغناتي بالغة فيك ياارب

الايثار وسراب وكلكم غناتي ياارب نفرح فيكم في فرحة ربيع بحق محمد وال محمد عليهم الصلاة والسلام

وجايتنا مصيبة الامام الحسين .. مثل ماقالت ساارونة خلوا دموعكم على مصاب الامام تقربكم الى الله وانتوا في المجالس الحسينية ياارب دعواتكم مستجابة .. وحتى لو عندك اقل القليل لا تبخلي على ابي عبدالله الحسين علية السلام شاركي بكل شيء .. لو مبلغ بسيط الله يوسع لك في رزقك .. لو في يوم 8 اشتري كيس حلاوة .. لو كرتون ماي اي شيء بسيط ترى عند رب العالمين مايضيع وتتضاعف الحسنات .. واحنا محتاجين للحسنات ومحتاجين الى اهل البيت
ولاتنسوا المشاركة في التوزيع لو تصبي القهوة او حتى نهاية الماتم تنظفي المكان لاتستحي من احد .. انتي كل الي تسوية الى ابي عبدالله الحسين .. وتحتسبي الاجر من رب العالمين
وحتى لما تنادي بصوت عالي باسم الامام الحسين وتواسي السيدة فاطمة الزهراء عليها السلام وبطلة كربلاء السيدة زينب هذا اجره كبير عند الله

يتبع << عندها بربرة وااجد

آستفدت من كلآمكم وآجد والحمدلله صلآتي محآفظه عليهآ
آني آغلب بنآت دفعتي مخطوبآت ومنهم متزوجين بس مآخآلطهم لآنه مآحب آجلس وآجد ويه مخطوبين .. تجيني الغبنه لآني مو مخطوبه مثلهم
والحمدلله رب العآلمين ,, وآدآ تآخر الزوآج هذآ خيره لينآ وبيجي لينآ آحسن منهم ’’

يآرب وفق الجميع ..آشكركم ع الموضوع

محبوبه حبيبي

كلامك مرره ريحيني

الله يعطيك على قد نيتك

ونفرح فيك في ربيع

دعواتكم عروسات المستقبل القريب

سارونه ماخربتي على نفسش ولا شي الا الله كاتبه بصير

الله يفرح قلب امش وابوش بحق الامام الحسين سلام الله عليه

تدري لو تسمعي وضعي يهون عليش وضعش يمكن

اني الوسطى بين اخواتي كلهم يجيهم خطاب الا اني

حتى اختي الصغيره اخر العنقود بيني وبينها تقريبا 10 سنين خطبوها اكثر من واحد

واني الناس تجي تشوفني وتطلع :pale:

حتى شكيت في نفسي يمكن اني مسويه شي او فيني شي

الحمدلله مع الاعمال الا نسويها بتنفرج ان شاء الله

الله سبحانه ماينسى عباده

امي تقول شكلش انتين احسن واحد بجيش يقولوا الا يتاخر رزقها يجيها واحد زين

يعني احسن من ازواج اخواتي قصدها احسها تواسيني هههه

دعواتكم بنات هذي ايام استجابه الدعاء

واني مابنساكم من الدعاء ان شاء الله

ساااارونه ربي يوووفقك ويرزقك بالولد الحلالالالالالالالال ياارب
مو القصد الواحد انه يضايق انه يسمع لا زي ماتقولي يحب الواحد يكون الشي له بعد
وزي ماقالت سراب الي تتأخر عن الزواج يجيها الزين والله
وعندي بنت خالتي ماشء الله عليها ربي يسعدها كم واحد تقدم ليها وتقريبا كل واحد شكل
ولما وصل ع مره25تقريبا جاها النصيب الزين حتى ابوها قال لها مابرفض الرجال
وهي ماكانت تفكر في الزواج بعد بس سبجان الله الله ع طاها الزين
وربي يوفقنا ياكريم

انا كانت تجيني وكلكم تقريبا كان يشوفوووا ردودي اني تجيني الغبنة دايم بسبت هالموضوع اذا وحدة انخطبت او اشوووف رجال من عندنا اخلاق وجمال وووظيفة وديانة وياخذووا بنت الحمدلله والشكر جمال ع الفاضي وماعندها حنس الاخلاق ولايحبوا حتى يرحوا الحسنية
بس وربي انا من 5 او 4 ششهوور ابتديت اصلي هالصلاة وانا الكل بس يشوفني يقوولوووا جميلة ومحلوووة لاحظت الكل كانهم توهم يشوفوني حتى صديقاتي كل وحدة تقووول باخذ بنوتة الحسا لخوووي انا قبل ماكان احذ يطالعني او يعبرني بس الحين الحمدلله الكل يشوفني جميلة حتى عمامي وخوالي داايم يقولوووا ودنا في بنت تشبة بنوتة الحسااااااا والحمدلله هاذا انا انتظر ساعات حيل ودي انسى موضوع الزواج واني ابي احد يتقدم لي بس احسسس غصب عني افكر فية لانة صديقاتي كلهم مخطوبين وكم وحدة متزوجة فطوووول اليوم في الكلية يتكلمموا عنهم علشان كذا الموضوع افكر فية طوول الوقت
بس ان الله الحين مع اختباراتي في الكلية بنسسسسى الموضوع اشوويات
لانة مااحد تقدم لي ولا مرة علشان كذاا ودي احس باحساس اي بنت لمى يتقدم لي شخص ابي احسسسة افقتدة ودي اجربة بس الله للحين ماكتب
عن جد الله كاتب لناا الخير ع الي نسسسسسسسسسسسسسسسوية وبي يكرمنا هالسسسسسسسسنة بلازواج الصالحة
ولاتنسسسسووونا من دعواتكم عن ظهر غيب [b]

ربــــي يوووفقكم يييييييييييابنااااااااات
ونفرح فيكم واحده تلوة الاخرى
وتفتكون من وجهي بعد خخخخ